آج يومِ اقبال ہے ۔ اس حوالے سے علامہ اقبال نے جس مسلمان کا بيان کيا تھا اورآج کے مسلمان کا تقابل
مسلمان ۔ علامہ اقبال کی نظر ميں
ہرلحظہ ہے مومن کی نئی شان، نئی آن ۔ ۔ ۔ ۔ ۔ ۔ ۔ گفتار ميں، کردار ميں، اللہ کی برہان
قہاری و غفاری و قدوسی و جبروت ۔ ۔ ۔ ۔ ۔ ۔ ۔ ۔ ۔ ۔ ۔ يہ چار عناصر ہوں تو بنتا ہے مسلمان
ہمسايہءِ جبريل اميں بندہءِ خاکی ۔ ۔ ۔ ۔ ۔ ۔ ۔ ۔ ۔ ہے اس کا نشيمن نہ بخارا نہ بدخشان
يہ راز کسی کو نہيں معلوم کہ مومن ۔ ۔ ۔ ۔ ۔ ۔ ۔ ۔ ۔ ۔قاری نظر آتا ہے ، حقيقت ميں ہے قرآن
قدرت کے مقاصد کا عيار اس کے ارادے ۔ ۔ ۔ ۔ ۔دنيا ميں بھی ميزان، قيامت ميں بھی ميزان
جس سے جگر لالہ ميں ٹھنڈک ہو وہ شبنم ۔ ۔ ۔ درياؤں کے دل جس سے دہل جائيں وہ طوفان
فطرت کا سرود ازلی اس کے شب و روز ۔ ۔ ۔ ۔ ۔ ۔ ۔ ۔ آہنگ ميں يکتا ۔ صفت سورہءِ رحمٰن
بنتے ہيں مری کارگہِ فکر ميں انجم ۔ ۔ ۔ ۔ ۔ ۔ ۔ ۔ ۔ ۔ لے اپنے مقدر کے ستارے کو تو پہچان
عصرِ حاضر کا مسلمان
کردار کا، گفتار کا، اعمال کا مومن ۔ ۔ ۔ ۔ ۔ ۔ ۔ قائل نہیں ایسے کسی جنجال کا مومن
مکاری و عیاری و غداری و ہیجان ۔ ۔ ۔ ۔ ۔ ۔ ۔ ۔ اب بنتا ہے ان چار عناصر سے مسلمان
سندھ کا ہے مومن، کوئی پنجاب کا مومن ۔ ۔ ۔ ڈھونڈے سے بھی ملتا نہیں قرآن کا مومن
قاری اسے کہنا تو بڑی بات ہے یارو ۔ ۔ ۔ ۔ ۔ ۔ ۔ اس نے تو کبھی کھول کے دیکھا نہیں قرآن
کہنے کو ہر شخص مسلمان ہے لیکن ۔ ۔ ۔ ۔ ۔ ۔ ۔ دیکھو تو کہیں نام کو کردار نہیں ہے
بیباکی و حق گوئی سے گھبراتا ہے مومن ۔ ۔ ۔ ۔ مکاری و روباہی پہ اتراتا ہے مومن
پیدا کبھی ہوتی تھی سحر جس کی اذاں سے ۔ ۔ اس بندہ مومن کو میں اب لاؤں کہاں سے
وہ سجدہ زمیں جس سے لرز جاتی تھی یارو ۔ ۔ ۔ اک بار میں ہم چھٹے اس بار گراں سے
سندھ کا ہے مومن، کوئی پنجاب کا مومن ۔ ۔ ۔ ڈھونڈے سے بھی ملتا نہیں قرآن کا مومن
کوئی بتاۓ گا کہ کبھی پنجابی ہونے پے فخر کرنے کا کہا جاتا ہے اور کبھی اسلام کا نام لیکر اس سے روکا جاتا ہے …
اسلام میں حب الوطنی کی کیا گنجائش ہے …. ؟
اگر حب الوطنی صحیح ہے تو انڈیا کے مسلمانوں کے لئے بری کیوں ہے ؟؟
Pingback: Tweets that mention What Am I میں کیا ہوں ۔ ۔ ۔ ۔ ۔ » Blog Archive » علامہ اقبال کی ياد ميں -- Topsy.com
محمد نعمان صاحب
بہتر ہو گا کہ آپ مجھے اُس صورت کا نام اور آيت کا نمبر بتائیں جس ميں حُبُ الوطنی کے متعلق احکامات ہيں ۔ اور اگت قرآن شريف ميں نہيں ہيں تو وہ حديث مع حوالہ بيان کر ديجئے
جناب میں تو مبتدی ہوں … آپکے ٧٠ سالہ تجربے سے فائدہ اٹھانا چاہ رہا تھا ..
اسی لئے پوچھ لیا …
انڈیا والا سوال اس لئے پوچھ لیا کے میرا خیال تھا کے آپ شاید اسلام میں حب الوطنی کے بارے میں کچھ بیان فرمایں گے ..
اگر ہو سکے تو آپ اپنی ذاتی راۓ ہی بیان فرما دیں.
شکریہ
ویسے ایک اور پوسٹ میں حضرت اقبال کی نظم پیش کی ہے …. وطن پرستی کا مسلہ سمجھنے کے لئے بہترین ہے ……
ایک دو لینکس اور بھی ہیں کہیں تو پیش کر دوں …
الله آپکو جزاۓ خیر دے اور شفا کاملہ دے
محمد نعمان صاحب
اگر وقت ملے تو از راہِ کرم ميری 26 اکتوبر کی تحرير پڑھ ليجئے تاکہ صورتِ حال سے کچھ آگاہی ہو جائے ۔ ميری ياد داشت مجروح ہو چکی ہے اور ابھی لگاتار صرف دس پندرہ منٹ کيلئے کپيوٹر چلانے يا اخبار پڑھنے کی اجازت ہے ۔ اللہ کرے ميری ياد داشت جلد بحال ہو جائے اور ميں پڑھنے اور تحقيق کے قابل ہو جاؤں تو آپ کے سوالات کے جوابات دينے کی کوشش کروں گا