سائنس انسان کے مطالعہ اور محنت کا نتيجہ ہے جبکہ اسلام اللہ سُبحانُہُ و تعالٰی کے فرمان پر عمل کرنے کا نام ہے ۔ اللہ سُبحانُہُ و تعالٰی نے ہميں بہت سی ايسی معلومات فراہم کر ديں جو سالہا سال اور بعض اوقات صديوں کی محنت کے بعد انسان کے مشاہدے ميں آئيں

سب جانتے ہيں کہ کہ فرعون کی لاش محفوظ حالت ميں ملی اور اسے عجائب گھر ميں رکھا گيا ہے ۔ کچھ اس حقيقت پر حيران ہوتے ہيں اور کچھ شايد اسے سائنس کا کرشمہ قرار ديں ليکن لازوال حقيقت يہ ہے کہ جو ميرے اللہ سُبحانُہُ و تعالٰی نے کہا وہ ہو گيا

فرعون کی لاش

سُورة ۔ 10 ۔ يُوْنـُس ۔ آيات 90 تا 92
وَجَاوَزْنَا بِبَنِي إِسْرَائِيلَ الْبَحْرَ فَأَتْبَعَهُمْ فِرْعَوْنُ وَجُنُودُهُ بَغْيًا وَعَدْوًا حَتَّى إِذَا أَدْرَكَهُ الْغَرَقُ قَالَ آمَنتُ أَنَّهُ لاَ إِلِـهَ إِلاَّ الَّذِي آمَنَتْ بِهِ بَنُو إِسْرَائِيلَ وَأَنَاْ مِنَ الْمُسْلِمِينَ
آلْآنَ وَقَدْ عَصَيْتَ قَبْلُ وَكُنتَ مِنَ الْمُفْسِدِينَ
فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ آيَةً وَإِنَّ كَثِيرًا مِّنَ النَّاسِ عَنْ آيَاتِنَا لَغَافِلُونَ

ترجمہ
اور ہم بنی اسرائیل کو دریا کے پار لے گئے پس فرعون اوراس کے لشکر نے سرکشی اور ظلم و تعدّی سے ان کا تعاقب کیا ۔ یہاں تک کہ جب اسے [یعنی فرعون کو] ڈوبنے نے آلیا وہ کہنے لگا “میں اس پر ایمان لے آیا کہ کوئی معبود نہیں سوائے اس معبود کے جس پر بنی اسرائیل ایمان لائے ہیں اور میں اب مسلمانوں میں سے ہوں”
[جواب دیا گیا کہ] اب [ایمان لاتا ہے]؟ حالانکہ تو پہلے نافرمانی کرتا رہا ہے اور تو فساد بپا کرنے والوں میں سے تھا
[اے فرعون] سو آج ہم تیرے [بے جان] جسم کو بچالیں گے تاکہ تو اپنے بعد والوں کے لئے [عبرت کا] نشان ہوسکے اور بیشک اکثر لوگ ہماری نشانیوں [کو سمجھنے] سے غافل ہیں

انسان کی پيدائش

رحمِ مادر ميں بچے کی تخليق کے متعلق سائنسدانوں نے جو معلومات بيسويں صدی عيسوی ميں دريافت کيں وہ اللہ سُبحانُہُ و تعالٰی نے 14 صدياں قبل ساتويں صدی عيسوی ميں انسانوں کو بتا دی تھيں ۔ مگر يقين نہ کرنے والے کا کيا علاج ؟

سورت 23 الْمُؤْمِنُوْن آيات 12 تا 14
وَلَقَدْ خَلَقْنَا الْإِنْسَانَ مِنْ سُلَالَةٍ مِنْ طِينٍ
ثُمَّ جَعَلْنَاهُ نُطْفَةً فِي قَرَارٍ مَكِينٍ
ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنْشَأْنَاهُ خَلْقًا آخَرَ ۚ فَتَبَارَكَ اللَّهُ أَحْسَنُ الْخَالِقِينَ

ترجمہ
یقیناً ہم نے انسان کو مٹی کے جوہر سے پیدا کیا
پھر اسے نطفہ بنا کر محفوظ جگہ میں قرار دے دیا
پھر نطفہ کو ہم نے جما ہوا خون بنا دیا ۔ پھر خون کے لوتھڑے کو گوشت کا ٹکڑا کر دیا ۔ پھر گوشت کے ٹکڑے کو ہڈیاں بنا دیں ۔ پھر ہڈیوں کو ہم نے گوشت پہنا دیا ۔ پھر دوسری بناوٹ میں اسے پیدا کر دیا ۔ برکتوں والا ہے وہ اللہ جو سب سے بہترین پیدا کرنے والا ہے

دو رنگ کا دريا

نيچے تصوير ميں ايسا سمندر دکھايا گيا ہے جس ميں ہميشہ دو رنگ کا پانی ہوتا ہے جيسے کہ دوجُڑواں سمندروں کے درميان نہ نظر آنے والی ديوار ہو ۔ دوسری دلچسپ خصوصيت يہ ہے کہ ايک حصے کا پانی عام سمندر کی طرح سخت کڑوا ہے اور دوسرے حصے کا پانی ميٹھا ہے ۔ يہ سمندر جنوبی افريقہ ميں کيپ ٹاؤن کے قريب واقع ہے اور اس کی دريافت بيسويں صدی عيسوی کے شروع ميں يعنی صرف ايک صدی قبل ہوئی جبکہ اس کی خبر اللہ سُبحانُہُ و تعالٰی نے 14 صدياں قبل دی تھی

سورت 55 الرَّحْمَنُ آيات 19 تا 21
مَرَجَ الْبَحْرَيْنِ يَلْتَقِيَانِ
بَيْنَھُمَا بَرْزَخٌ لَا يَبْغِيَانِ
فَبِأَيِّ آلَاءِ رَبِّكُمَا تُكَذِّبَانِ

ترجمہ
چلائے دو دریا مل کر چلنے والے
اُن دونوں میں ہے ایک پردہ جو ایک دوسرے پر زیادتی نہ کرے
پھر کیا کیا نعمتیں اپنے رب کی جھٹلاؤ گے

قرآن شريف کا مطالعہ کرنے کے ساتھ گرد و پيش نظر دوڑائی جائے تو اللہ کا کلام اور سچا ہونے کے کئی ثبوت مل جاتے ہيں ۔ بد بخت ہيں وہ لوگ جو قرآن شريف ميں ديئے گئے اللہ کے احکام پر عمل نہيں کرتے