طریقہ ۔ غیرتی اور حکومتی

این آر او سے فائدہ اٹھانے والوں کی فہرست میں شامل وزیراعلیٰ پنجاب کے مشیر سعید مہدی مستعفی ہوگئے۔ ان پر پولو گراؤنڈ کیس ختم کروانے کا الزام ہے تاہم سعید مہدی نے کہا ہے کہ انہوں نے کیس ختم کرنے کیلئے کوئی درخواست نہیں دی تھی اور استعفیٰ اپنی عزت بحال رکھنے اور پارٹی گائیڈ لائن کے مطابق دیا ہے۔ انہوں نے کہا کہ میں آج بھی مقدمہ کا سامنا کرنے کیلئے تیار ہوں۔این آر او سے استفادہ کرنے والے افراد کی جانب سے یہ پہلا استعفیٰ ہے۔ سعید مہدی نے اپنے استعفے کی وجوہات بیان کرتے ہوئے کہا کہ پرویز مشرف دور میں انہیں دو مقدمات میں ملوث کیا گیا تھا جس میں طیارہ کیس اور پولو گراؤنڈ کیس شامل تھے۔ انہوں نے بتایا کہ انہیں 7اپریل 2000ء کو گرفتار کیا گیا جبکہ ایک روز قبل وہ طیارہ سازش کیس میں بری ہوگئے تھے

Minister for Information and Broadcasting Qamar Zaman Kaira on Monday said the NRO beneficiary ministers will not resign, as they were accused and not convicted, terming the demand unjustified.

Talking to media persons here at the CDA Academy, the minister made it clear that the cabinet members, who had benefited from the NRO were accused and not convicted to be asked to step down as minister

This entry was posted in سیاست, طور طريقہ on by .

About افتخار اجمل بھوپال

رہائش ۔ اسلام آباد ۔ پاکستان ۔ ۔ ۔ ریاست جموں کشمیر کے شہر جموں میں پیدا ہوا ۔ پاکستان بننے کے بعد ہجرت پر مجبور کئے گئے تو پاکستان آئے ۔انجنئرنگ کالج لاہور سے بی ایس سی انجنئرنگ پاس کی اور روزی کمانے میں لگ گیا۔ ملازمت کے دوران اللہ نے قومی اہمیت کے کئی منصوبے میرے ہاتھوں تکمیل کو پہنچائے اور کئی ملکوں کی سیر کرائی جہاں کے باشندوں کی عادات کے مطالعہ کا موقع ملا۔ روابط میں "میں جموں کشمیر میں" پر کلِک کر کے پڑھئے میرے اور ریاست جموں کشمیر کے متعلق حقائق جو پہلے آپ کے علم میں شائد ہی آئے ہوں گے ۔ ۔ ۔ دلچسپیاں ۔ مطالعہ ۔ مضمون نویسی ۔ خدمتِ انسانیت ۔ ویب گردی ۔ ۔ ۔ پسندیدہ کُتب ۔ بانگ درا ۔ ضرب کلِیم ۔ بال جبریل ۔ گلستان سعدی ۔ تاریخی کُتب ۔ دینی کتب ۔ سائنسی ریسرچ کی تحریریں ۔ مُہمْات کا حال

12 thoughts on “طریقہ ۔ غیرتی اور حکومتی

  1. فارغ

    الزام پر استعفی مانگنا تو ٹھیک نہیں ہے۔۔باوجود پی پی مخالف ہونے کہ اس وقت یہ کہنا پڑے گا کہ کائرہ اور دیگر حکومتی بندوں کی بات ٹھیک ہے-

  2. خرم

    سعید مہدی سے استعفٰی لے کر سیاسی پوائنٹ تو میاں صاحبان نے بنانے کی کوشش کی ہے لیکن ایسے وفادار کو اب کس روپ میں نوازا جاتا ہے یہ دیکھنا باقی ہے۔ ویسے بھی یہ علم کوئی انہیں‌کل تو ہوا نہیں تھا کہ سعید مہدی اور رانا نذیر وغیرہا این آر او یافتہ ہیں۔ سب ٹوپی ڈرامہ ہے۔

  3. افتخار اجمل بھوپال Post author

    فارغ صاحب
    دنیا میں جہاں کہیں بھی جمہوریت ہے الزام لگتے ہی وزیر مستعفی ہو جاتا ہے اور اگر وہ بے گناہ ثابت ہو جائے تو عزت پاتا ہے ۔ بحال رہنے کی صورت میں انصاف بہت مشکل ہوتا ہے ۔ مثال کے طور پر اس معاملہ میں نیب کا وکیل حکومت یعنی پی پی کا اور پی پی کا جو وزیر ملزم ہے اُس کا وکیل بھی پی پی کا تو انصاف کیسے ہو گا ؟

  4. فارغ

    کیا جب حضرت عمر یا علی پر مقدمہ ہوا تو وہ امیر المومنین کی حیشیت سے مستعفی ہو کر مقدمہ لڑنے گئے تھے؟
    مقدمے سیاسی بنیاد پر بنائے جاتے ہیں پاکستان میں ۔۔۔۔جن ممالک کی آپ نے بات کی ہے وھاں ایسے مقدمات بھی نہیں بنتے۔

  5. افتخار اجمل بھوپال Post author

    فارغ صاحب
    جن خلفائے راشدین رضی اللہ عنہم کا نام آپ نے لیا ہے ان پر کوئی مقدمہ نہیں بنا تھا صرف ان پر بحیثیت امیر المؤمنین بھری محفل میں سوال کیا گیا تھا جس میں سب کی تشفی کیلئے اُسی وقت جواب پیش ہوا اور سب نے قبول کیا ۔ نہ کوئی وکیل تھا اور اور نہ عدالت کا کمرہ ۔ آپ وہی ماحول یہاں بنا دیں اور آپ جن کی حمائت کر رہے ہیں انہیں کہیں کہ عوام کے سوالات کا جواب دے کر اُنہیں مطمئن کریں ۔

  6. فارغ

    حضرت عمر جب خلیفہ تھے تو بحیثیت ڈیفینڈنٹ مدینہ کی عدالت میں پیش ہوئے تھے اور جب قاضی نے احتراما کھڑا ہونا چاہا تو ان کو اس سے بھی منع کر دیا۔۔ آپ تصحیح کرلیں۔ اسی طرح حضرت علی کا واقعہ بھی مشہور ہے ۔۔فیصلہ دینے سے پہلے تحقیق بہتر ہے

  7. افتخار اجمل بھوپال Post author

    فارغ صاحب
    آپ اصل نقطے کی طرف نہیں آ رہے ۔ اسلامی نظامِ انصاف اور موجودہ پاکستانی نظامِ انصاف ۔ ایک میں حکومت اللہ کی اور دوسرے میں عوام کا بالواسطہ چُنا ہوا مُجرم یا کم از کم ملزم

  8. فارغ

    آپ نے کمال خوبصورتی سے اپنی اس لا علمی پر پردہ ڈال دیا کہ خلفاء پر کوئی مقدمہ نہیں بنا۔ خود اپنی غلطی تسلیم نہ کریں اور سیاست دانوں سے توقعات فرشتوں والی رکھیں۔۔اصل نکتہ کی بابت یہ عرض ہے کہ یہ مقدمات بھی اسی نظام کہ تحت بنائے گئے تھے اور ہو سکتا ہے کہ کچھ جھوٹے ہوں لہذا فی الحال استعفی مانگنا قبل از وقت ہے۔

  9. افتخار اجمل بھوپال Post author

    فارغ صاحب
    آپ کو یہ کس نے کہا ہے کہ اُنہیں مستعفی ہونے پر مجبور کیا جائے ۔ بیان صرف یہ کیا گیا ہے کہ جمہوریت کی ریت یہ ہے کہ الزام لگتے ہی متعلقہ وزیر مستعفی ہو جاتا ہے ٹاکہ اگر عدالتی فیصلہ اس کے حق میں آئے تو لوگ یہ نہ کہیں کہ اثر و رسوخ استعمال کیا ہے

  10. یہ لوگ بھی کیا لوگ ہیں مر کیوں نہیں جاتے

    ہمیں کرپشن سے پاک پاکستان چاہیے
    ہمیں احساس تحفظ کی ضرورت ہے
    ہمیں زات پات میں تقسیم ہونے سے بچائیے
    ہمیں ہمارے بچوں کے لیے صاف سھترا نظام تعلیم چاہیے
    ہمیں حصول علم کے یکساں مواقع مہیا کیجیے
    ہمیں ہماری ماوں بہنوں کے لیے احساس تحفظ چاہیے
    ہم تو اپنے معصوم بچوں کو قتل کر کے نادم بھی نہیں ہوتے کہ زندہ رکھتے تو ان کو کھلاتے کیا

  11. افتخار اجمل بھوپال Post author

    گلنواز صاحب
    آپ نے اتنی ساری خواہشات کا اظہار آپ نے کر دیا ۔ میں تو ایک انسان ہوں اور اپنے لئے بھی محنت کے سوا کچھ نہیں کر سکتا ۔ اللہ ہی سب کچھ کرنے والا ہے ۔ آپ بھی کوشش کیجئے ۔ اللہ کامیابی دے گا

Leave a Reply

Your email address will not be published. Required fields are marked *

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)

This site uses Akismet to reduce spam. Learn how your comment data is processed.