پنجابی میں تازہ بتازہ کو چَوندی چَوندی کہتے ہیں یعنی ٹپکتی ہوئی جیسے گرم گرم جلیبیوں میں سے شیرہ ٹپک رہا ہوتا ۔ تو تازہ ترین خبر یہ ہے کہ بالآخر صدر پرویز مشرف نے 17 مارچ 2008ء کو قومی اورصوبائی اسمبلیوں کے اجلاس بُلا لئے ہیں ۔ سُنا یہ گیا تھا کہ صدر کو جو سمری بھیجی گئی تھی اس میں اس ہفتہ کے دوران قومی اور صوبائی اسمبلیوں کے اجلاس بُلا نے کی سفارش کی گئی تھی ۔ بہرکیف بُلا تو لئے ۔
محترم اجمل انکل جي
السلامُ عليکُم
اس کے علاوہ اور کيا کہہ سکتے ہيں کہ
يہاں تک تو پہنچے يہاں تک تو آۓ
يا
بڑی دير کی مہرباں آتے آتے
اب آگے آگے ديکھيۓ ہوتا ہے کيا؟ليکن دُعا ہے جو بھی ہو مُلک و قوم کی بہتری کے لۓ ہو ورنہ اب ہر دن جو بھی ہو رہا ہے آنسُو بھی اپنا کام کرنا بُھول گۓ ہيں آنکھيں اور کان کسی اچھی خبر کےلۓ ترس گۓ ہيں اللہ ميرے سب بہن بھائيوں کو اپنی امان ميں رکھے،آمين
دُعاگو
شاہدہ اکرم