ووٹ کس کو دیا

جب دوسری جنگِ عظیم کے بعد برطانیہ کی حالت پتلی ہو گئی تو مفکرین نے اس دور کے وزیرِ اعظم سر ونسٹن چرچل سے اپنی فکر بیان کی تو سر ونسٹن چرچل نے اُن سے پوچھا ” کیا ہماری عدالتیں عوام کو انصاف مہیا کر رہی ہیں ؟” سب نے متفقہ طور پر ہاں میں جواب دیا تو سر ونسٹن چرچل نے کہا “پھر کسی فکر کی ضرورت نہیں”۔

پاکستان مسلمانوں کیلئے بنایا گیا اور اب بھی مسلمانوں کا مُلک ہے ۔ اللہ سُبحانُہُ و تعالٰی کا حُکم ہے
“اے ایمان والو ۔ تم انصاف پر مضبوطی کے ساتھ قائم رہنے والے اللہ کے لئے گواہی دینے والے ہو جاؤ خواہ [گواہی] خود تمہارے اپنے یا والدین یا رشتہ داروں کے ہی خلاف ہو، اگرچہ [جس کے خلاف گواہی ہو] مال دار ہے یا محتاج ۔ اللہ ان دونوں کا زیادہ خیر خواہ ہے۔ سو تم خواہشِ نفس کی پیروی نہ کیا کرو کہ عدل سے ہٹ جاؤ اور اگر تم پیچ دار بات کرو گے یا پہلو تہی کرو گے تو بیشک اللہ ان سب کاموں سے جو تم کر رہے ہو خبردار ہے”۔ سورت ۔ 4 ۔ النساء ۔ آیت ۔ 135

ہمارے ملک کے آئین کی خلاف ورزی کرتے ہوئے 3 نومبر 2007ء کو مُلک کی اعلٰی عدالتوں کے 60 معزّز جج صاحبان کو عوام کو انصاف مہیّا کرنے کی پاداش میں بر طرف کر کے آج تک ان کی رہائش گاہوں پر قید رکھا گیا ہے ۔ اے پی ڈی ایم نے تو انتخابات سے قطع تعلق کیا ہوا ہے جو میرے خیال میں مسئلے کا حل نہیں ہے ۔ میدان میں موجود سیاسی جماعتوں میں ایک جماعت ہے جو 60 معزّز جج صاحبان کی فوری بحالی اور عدلیہ کی انتظامیہ سے آزادی کی علمبدار ہے ۔ وہ ہے مسلم لیگ نواز ۔

اسلئے میرے خاندان اور میرے بہن بھائیوں کے پورے خاندان 17 افراد نے اسلام آباد ۔ راولپنڈی ۔ واہ اور لاہور میں شیر پر ٹھپہ لگایا ہے ۔ اس بار حکومت نے مُلک سے باہر پاکستانیوں کے ووٹ ڈالنے کا کوئی بندوبست نہیں کیا اسلئے ہم بہن بھائیوں کے خاندانوں کے مُلک سے باہر 16 ووٹ ضائع ہو گئے ہیں

This entry was posted in آپ بيتی, روز و شب, معاشرہ on by .

About افتخار اجمل بھوپال

رہائش ۔ اسلام آباد ۔ پاکستان ۔ ۔ ۔ ریاست جموں کشمیر کے شہر جموں میں پیدا ہوا ۔ پاکستان بننے کے بعد ہجرت پر مجبور کئے گئے تو پاکستان آئے ۔انجنئرنگ کالج لاہور سے بی ایس سی انجنئرنگ پاس کی اور روزی کمانے میں لگ گیا۔ ملازمت کے دوران اللہ نے قومی اہمیت کے کئی منصوبے میرے ہاتھوں تکمیل کو پہنچائے اور کئی ملکوں کی سیر کرائی جہاں کے باشندوں کی عادات کے مطالعہ کا موقع ملا۔ روابط میں "میں جموں کشمیر میں" پر کلِک کر کے پڑھئے میرے اور ریاست جموں کشمیر کے متعلق حقائق جو پہلے آپ کے علم میں شائد ہی آئے ہوں گے ۔ ۔ ۔ دلچسپیاں ۔ مطالعہ ۔ مضمون نویسی ۔ خدمتِ انسانیت ۔ ویب گردی ۔ ۔ ۔ پسندیدہ کُتب ۔ بانگ درا ۔ ضرب کلِیم ۔ بال جبریل ۔ گلستان سعدی ۔ تاریخی کُتب ۔ دینی کتب ۔ سائنسی ریسرچ کی تحریریں ۔ مُہمْات کا حال

8 thoughts on “ووٹ کس کو دیا

  1. Nayni

    Person who is representing ” shair” in my constituency is having a very bad repute . Infact all of the candidates are of the same category . To whom I should give my “precious” vote then ???? :roll:

  2. اجمل Post author

    نینی صاحبہ
    اگر اُمیدوار سب ایک جیسے ہیں تو پارٹی مینیفیسٹو جس کا قابلِ قبول ہے اسے ووٹ دیجئے

  3. شعیب صفدر

    میں نے بھی شیر کو ووٹ ڈالا! :wink:
    وجہ صاف عدلیہ کی بحالی کا وعدہ اور اپنے امیدواروں نے اس کے بارے میں حلف بھی لیا!

  4. Pingback: نعمان کی ڈائری - » دھاندلی کے واقعات

  5. صبا

    اسلامُ علیکم
    مجھے سہی معنوں میں ٹف ٹائم ملا یہ طے کرنے میں کے ووٹ کس کو دیا جائے۔ اور آخری لمحوں تک میں اپنے فیصلے پر مطمئین نہیں تھی (نا ہی ہوں)۔ میں نے شیر کو ووٹ نہیں دیا، کیونکہ ن لیگ کا اب کوئی بھی وعدہ کوئی بھی عزم مجھے متاثر نہیں کرتا (خیراب تو کوئی بھی پارٹی اپنے کسی بیان سے ہم عوام کو متاظر نہیں کرتی، جس کا ثبوت ہے الیکشن کے موقعے پر عوام کا نا ہونے کے برابر ہجوم)۔ خیر میں نے تیر پر ٹھپہ لگایا، صرف اس وجہ سے کہ حکومت تو بننی ہی ہے، تو کیوں نا جو ذرا بہتر ہے اسے چنا جائے۔ حالانکہ دودھ اورہمارے سیاستدانوں کے بگڑنے میں کوئی بھروسہ نہیں۔ اگلے ہی لمحے یہ کام ہو جاتا ہے۔
    فی امان اللہ

  6. اجمل Post author

    شعیب صفدر اور محمد شاکر عزیز صاحبان
    آپ نے درست فیصلہ کیا
    صبا صاحبہ
    آپ نے اگر فصلہ اپنی مرضی سے سوچ سمجھ کر کیا تو اسے درست سمجھیئے ۔ پچھتانا اچھی عادت نہیں ۔

  7. صبا

    جی بالکل، آپ کی بات سر آنکھوں پر۔ اور اب نتائج کے بعد تو بہت خوش اور مطمئین ہوں کہ صحیح فیصلہ کیا۔

    فی امان اللہ

Leave a Reply

Your email address will not be published. Required fields are marked *

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)

This site uses Akismet to reduce spam. Learn how your comment data is processed.