گھر میں پیار محبت کا ماحول زندگی کی بنیاد ہے
کبھی اٹل خواہش کا بھی پورا نہ ہونا بڑی خوش قسمتی ہوتا ہے
بہترین تعلق وہ ہے جس میں باہمی محبت باہمی ضرورت سے زیادہ ہو
بصیرت بغیر عمل کے صرف ایک خواب ہے
اور عمل بغیر بصیرت کے فقط وقت گذارنا ہے
مگر بصیرت کے ساتھ عمل دنیا بدل کر رکھ دیتا ہے
محترم اجمل انکل جی
السلامُ عليکُم
اُمّيد ہے آپ بخير ہوں گے دُعا ہے اللہ تعاليٰ آپ کو صحت اور تندرُستی والی طويل زندگی عطا کرے ،آمين دل خُوش ہوتا ہے اور الفاظ کم لگتے ہيں جب اتنی پياری باتيں اور افکار پڑھنے کو ملتے ہيں ہر ايک لفظ کے جواب ميں بہت کُچھ لکھنے کو دل چاہتا ہے گھر ميں پيار مُحبّت کا عمل ميرے خيال ميں ايسا ہی ضرُوری ہے جيسے سانسوں کے لۓ آکسيجن ضرُوری عمل ہے،کبھی اٹل خواہش کے پُورا نا ہونے کی مثال کے جواب ميں يہ کہُوں گی کہ اللہ تعاليٰ کی ياد سے غفلت تو ہونی ہی نہيں چاہيۓ ليکن خواہش کے پُورا ناہونے کی صُورت ميں ہم پُوري شدّو مد کے ساتھ پھر پُورے يقين کے ساتھ اُس ذات پاک سے مانگتے ہيں جو ہميں بن مانگے ديتا ہے اور تعلُق تو وُہی بہترين ہے جس ميں بدلے ميں کسی چيز کی طلب مقصُود نا ہوبصيرت کے لۓ عرض ہے کہ وہ بصارت ہی کيا جس ميں اُس بصيرت کا دخل نا ہو جو محض وقت گُزاری ہے ميرے نزديک کہ وقت گُزارنے کے لۓ بہترين عمل کُچھ سيکھنا ہے جو ہم کسی سے بھی کسی بھی وقت سيکھ سکتے ہيں عُمر کی قيد نہيں ہو سکتی بچے سے بھی سيکھ سکتے ہيں شرط شوق ہے،اور آخری بات کہ اے کاش ہميں عمل کی توفيق عطا ہو اور ہم صرف باتيں ہی نا کريں (يہ بات ميں نے اپنے لۓ خصُوصی طور پر کہی ہے) آپ کے کہے پر انکل اعتراض تو کر ہی نہيں سکتی بس اپنے خيالات کا اظہار کيا ہے
اپنا خيال رکھيۓ گا
اللہ حافظ
شاہدہ اکرم
شاہدہ اکرم صاحبہ ۔ السلام علیکم
آپ نے ماشاء اللہ بڑی اچھی باتیں لکھی ہیں ۔ میرے لئے آپ اتنی اچھی دعائیں کرتی ہیں کہ میرا اپنی خوش قسمتی کا احساس بڑھ جاتا ہے ۔ اللہ آپ کو جزائے خیر دے ۔
میں زیادہ تر اپنے ذاتی تجربہ کی بنیاد پر لکھتا ہوں ۔ اٹل خواہش کا پورا نہ ہونا دعا کے بعد مراد ہے ۔ خلوصِ نیّت اور عاجزی سے مانگی ہوئی دعا قبول ہوتی ہے ۔ مانگی ہوئی چیز نہ ملے وہ یا تو دعا مانگنے والے کے حق میں اچھی نہیں ہوتی یا اس کے بدلے میں کوئی بہتر چیز مل جاتی ہے جس کا دعا مانگنے والے کو احساس نہیں ہو پاتا ۔
سیکھنے کے بارے میرے دادا جان کہا کرتے تھے کہ جس نے سیکھنا ہوتا ہے وہ گندی نالی کے کیڑے سے بھی کچھ اچھائی سیکھ لیتا ہے اور جو نہ سیکھنا چاہے اسے عطر کی خوشبو بھی بھلی نہیں لگتی ۔میرے دادا جان 2 جون 1955ء کو فوت ہو گئے تھے