میں مسلمان ہوں
659 بار دیکھا گیا مصنف : افتخار اجمل بھوپال :: بتاریخ Dec 18 2009
میں دفتر کے اوقات میں ذاتی کام کرتا ہوں ۔ میں مسلمان ہوں
میں رشوت لیتا یا دیتا ہوں ۔ میں مسلمان ہوں
میں کم تولتا ہوں ۔ میں مسلمان ہوں
میں جھوٹ بولتا ہوں ۔ میں مسلمان ہوں
میں دوسروں کا حق مارتا ہوں ۔ میں مسلمان ہوں
میں دھوکہ دیتا ہوں ۔ میں مسلمان ہوں
میں دوسرے کو ذلیل کر کے خوش ہوتا ہوں ۔ میں مسلمان ہوں
میں چوری کرتا یا ڈاکہ ڈالتا ہوں ۔ میں مسلمان ہوں
میں عورت کی عزت سے کھیلتا ہوں ۔ میں مسلمان ہوں
میں روزے نہیں رکھتا ۔ میں مسلمان ہوں
میں نماز نہیں پڑھتا ۔ میں مسلمان ہوں
میں نے قرآن شریف کو سمجھنے کی کبھی کوشش نہیں کی ۔ میں مسلمان ہوں
میں قرآن شریف میں دیئے گئے مسلمان کے اوصاف نہیں اپنانا چاہتا ۔ میں مسلمان ہوں
وغیرہ وغیرہ
میں مسلمان ہوں ۔ میں سب جانتا ہوں ۔ کسی اور کو مجھے بتانے کی ضرورت نہیں ہے کہ مسلمان کیا ہوتا ہے
اگر کوئی شخص کہتا ہے کہ وہ مسلمان ہے تو اس کا مطلب ہے کہ وہ اللہ پر یقین رکھتا ہے لیکن اللہ کے احکامات سے لاپرواہی کر کے وہ اپنے مسلمان ہونے کی نفی کرتا ہے ۔ مسلمان صرف زبان سے کہنے کا نہیں اللہ کے احکامات پر عمل کرنے والے کا نام ہے ۔ علامہ اقبال صاحب نے کہا تھا
زباں سے کہہ بھی دیا لا الہ تو کیا حاصل
دل و نگاہ مسلمان نہیں تو کچھ بھی نہیں
Dec 18 2009 بوقت 1:50 PM
ایسے فرد کو مسلمان نہیں منافق کہا جاتا ہے۔
Dec 18 2009 بوقت 2:46 PM
انکل جی مبارک ہو
متحدہ عرب امارات کے سچے مسلمانوں نے آپ کا بلاگ ادھر بین کر دیا ہے
اور یہ بھی مسلمان ہونے کی نشانی ہے نا!!!!!
Dec 18 2009 بوقت 4:25 PM
اظہرالحق صاحب
میں نے اُن کا کیا بگاڑا ہے ؟
Dec 18 2009 بوقت 8:43 PM
میں مسلمان ہوں، میں نے کبھی قرآن کا ترجمہ ہی نہیں پڑھا، سمجھنا تو بعد کی بات ہے۔۔
بلاگ بین کرنے کے بعد اب کہیں پاکستانی حکومت سے طلب ہی نہ کر لیں :P
Dec 18 2009 بوقت 10:08 PM
قددیر احمد صاحب
وہی ہو گا جو منظور میرے اللہ کو ہو گا اور اللہ کی رضا میری خوشی ہے
Dec 19 2009 بوقت 12:21 AM
ایسے فرد کو مسلمان نہیں نام نہاد مسلمان کہا جاتا ہے۔
Dec 19 2009 بوقت 8:47 AM
ہیں بلاگ بند کردیا؟ انکل جی آپ تو مشہور ہو گئے ہیںپھر تو
Dec 19 2009 بوقت 10:12 AM
فرحان دانش صاحب
ہمارے مةلک میں مسلمان زیادہ ہیں یا نام نہاد مسلمان ؟
Dec 19 2009 بوقت 10:42 AM
صرف مسلمان ہی نہیں بلکہ سبھی مذاہب میں ایسے لوگ پائے جاتے ہیں کیونکہ ہم انسان ہیں ۔
کچھ سمجھے آپ؟