۔ ۔ ۔ جب دنیا میں آئے تم رو رہے تھے اور سب خوش ہو رہے تھے زندگی ایسے گذارو کہ جب دنیا سے جاؤ تم خوش ہو اور سب رو رہے ہوں
کیا واقعی قوم تباہ ہونے کو ہے ؟
633 بار دیکھا گیا مصنف : افتخار اجمل بھوپال :: بتاریخ Jun 27 2009
میں دکھے دِل اور وزنی ہاتھوں سے لکھ رہا ہوں کہ جس قوم نے قوم کے باپ کی عزت نہ کی تاریخ گواہ ہے کہ اس قوم کا انجام عبرتناک ہوا
اب پڑھیئے اور بیٹھ کے رويئے اپنی قسمت کو
ایوان صدر اور وزیر اعظم ہاؤس میں ہونے والی تقریبات میں بانی پاکستان قائد اعظم محمد علی جناح کی تصاویر ہٹادی گئی ہیں۔دو روز قبل صدر آصف علی زرداری نے ایوان صدر میں ٹوئنٹی 20 ورلڈ کپ جیتنے والی کرکٹ ٹیم کے اعزاز میں ایک استقبالیہ دیا، اس موقع پر کرکٹ ٹیم کے کھلاڑیوں نے صدرآصف علی زرداری، اور وزیر اعظم یوسف رضا گیلانی کے ساتھ ایک گروپ فوٹو بنوایا۔ اسے موقع پر گروپ فوٹو کے پس منظر میں ذوالفقار علی بھٹو، بے نظیر بھٹو، بلاول بھٹو اور خود صدر زرداری کی تصاویر دیوار پرلگی ہوئی ہیں اسی طرح جمعے کے روز اسلام آباد میں انٹرن شپ ایوارڈ دینے کی تقریب میں وزیر اعظم مہمان خصوصی ہیں۔ اس موقع پر اسٹیج پر ذوالفقار علی بھٹو، بے نظیر بھٹو، صدر زرداری اور وزیر اعظم یوسف رضا گیلانی کی تصاویر تو ہیں لیکن بانی پاکستان کی تصویر کہیں نظر نہیں آئی۔ایسی ایک تصویر میں صدر زردرای ڈاکٹر شعیب سڈل سے وفاقی محتسب کے عہدے کا حلف لے رہے ہیں لیکن پس منظر میں قائد عوام ذوالفقار علی بھٹو کی تصویر تو آویزاں نظر آرہی ہے لیکن قائد اعظم محمد علی جناح کی تصویر غائب ہے۔اسی طرح امریکی وفد سے ملاقات کے دوران بھی قائد اعظم کی تصویر کہیں نظر نہیں آرہی۔قانون کے تحت سرکاری افسران اور صدر اور وزیر اعظم کے دفاتر میں قائد اعظم کی تصاویر آویزاں کرنا لازمی ہے۔
بشکریہ روزنامہ جنگ
Jun 27 2009 بوقت 10:22 PM
استغفر اللہ ۔۔
افسوس بہت افسوس ۔۔۔ یہ ہمارے حکمران جن کو ہم نے چنا ۔۔
مجھے ویسے بھی حالیہ حکومت سے کچھ اچھے کی امید نہیں تھی پر نا سوچا تھا کہ یہ ایسا بھی کرے گی ۔۔ میرا احتجاج ہے اس پر
Jun 27 2009 بوقت 10:37 PM
ایسی بھی کوئی بات نہیں۔ یہ تو دراصل قائدِ اعظم سے محبت ہے کہ اس حکومت کے کرتوت دیکھ کر انہیں زیادہ تکلیف نہ ہو۔ ;)
Jun 27 2009 بوقت 11:03 PM
شکر کریں جناب ابھی کچھ غیرت باقی ہے مجھے تو اس دن سے ڈر لگ رہا ہے جب یہ صاحب اپنی فیملی فوٹو کی بجائے اپنے آئیڈیل کی تصویریں لگادیں گئے جیسے بش اوباما کرزئی وغیرہ
Jun 27 2009 بوقت 11:26 PM
انکل اجمل ۔۔۔۔۔۔۔۔۔۔۔
آگے آگے دیکھئے ہوتا ہے کیا۔۔۔۔۔۔۔۔
حالات اگر یہی رہے تو تباہی لازم ہے۔۔۔۔۔۔۔لیکن قوم کی نہیں۔۔۔۔۔۔۔۔ بلکہ حکمرانوں کی۔۔۔۔۔۔۔۔۔۔۔
جاہ و جلال دَام و دِرَم اَور کتنی دیر؟
ریگ رواں پر نقش قَدَم اَور کتنی دیر؟
Jun 28 2009 بوقت 1:28 AM
بہت افسوس ہوا یہ پڑھ کر۔
Jun 28 2009 بوقت 1:41 AM
مُحترم اجمل انکل جی
السلامُ عليکُم
اُمّيد ہے آپ بخير ہوں گے حالانکہ مُجھے پتہ ہے آپ يہ سب لِکھنے کے بعد بخير نہيں ہوں گے بڑوں سے ايک مقُولہ سُنا کرتے تھے
با ادب با نصيب
بے ادب بے نصيب
آج ہم بے ادب اور بے نصيب ہو گۓ ،کہ جو قوميں اپنے بڑوں بزُرگوں کی عِزّت نہيں کرتيں اُن پر يُونہی عِزّتوں کے دروازے بند ہو جايا کرتے ہيں اللہ نا کرے کہ ايسا ہو ليکِن جب ہم نے باباۓ قوم يعنی قوم کے باپ کے ساتھ ايسا کيا جِسے لِکھتے ہُوۓ بھی ہاتھ کانپ رہے ہيں تو کل کو اِن کی اپنی اولاد اِن کے ساتھ کيا سلُوک کرے گی ليکِن اِن کےتو شايد باپ بھی اب کوئ اور ہو گۓ ہيں خُدا نخواستہ کہيں اُن کی تصويريں نا لگا ديں جِن کی دِن رات مالا جپتے نہيں تھکتے بہُت کُچھ غلط باتيں مُنہ سے نِکلنے کو بے چين ہو رہی ہيں جِنہيں مُشکِلوں سے دانتوں تلے دبا کر اپنی زبان کو گندا ہونے سے بچا رہی ہُوں اللہ تعاليٰ ہمارے سروں پر مُسلّط ايسے بے پيندے کے آقاؤں سے ہميں نجات دِلاۓ،آمين
اپنا خيال رکھيۓ گا
خيرانديش
Jun 28 2009 بوقت 2:21 AM
افتخار جی بہت تھوڑے دن رہ گئے ہیں ۔ جن حکمراں ایسے ہوں تو ان سے ملک کیا چلایا جائے گا۔ ایسے لوگوں کو تو دیکھنے کو دل نہیں کرتا ۔ اور وہ بلاول جو عیاش باپ کا عیاش بیٹا کل کو کیا ملک چلائے گا ۔ اس نے بھی بڑے ہو کر پہلے اپنے باپ کا قتل کرنا ہے اگر کسی اور کے ہاتھوں بچ گیا زرداری تو
Jun 28 2009 بوقت 7:29 AM
ہمیں، ہر مسئلے کی جڑ کو ختم کرنا چاھئیے۔
مشرف پہ مقدمہ چلایا جانا چاہئیے۔
جن دنوں (اور یہ کوئی پرانی بات نہیں) ننگ قوم مشرف جس کی اپنی گردن پہ پاکستان اور پاکستان کے آئین سے غداری کا طوق بندھا تھا۔ اس نے کمال ڈھٹائی این آر او نامی معائدے کے ذرئیے پاکستان اور پاکستانی قوم کے لوٹے ہوئے ڈیڑھ سو ارب روپے بھٹو خاندان کو نہ صرف بخش دئیے بلکہ ایک ڈکٹیٹر نے قوم کے مجرموں کو یک جنبش قلم نہ صرف ہر جرم ہر مقدے سے پاک صاف قرار دیا۔ بلکہ ستم ظریفی در ستم ظریفی تو دیکھئے۔ انھیں ہر قسم کے گناھوں سے پاک اور معصوم قرار دیتے ہوئے انہیں ہمارا نیا بادشاہ مقرر کرنے پہ اصرار کیا۔ اور وہ نئے بادشاہ بنا بھی دیے گئے۔
جو لوگ غریب اور مفلس قوم کا ڈیڑھ سو ارب روپیہ شیر مادر سمجھ کر پی گئے اور ڈکار تک نہ لیا۔ اور اس دوران اس مفلس قوم کے بیٹے اور بیٹیاں بھوک اور عسرت کے ہاتوں اپنے بچوں کے گلے کاٹ کاٹ کر خودکشیاں کر رہے ہیں۔ مگر ان لوگوں کے کان پہ جوں تک نہیں رینگتی ۔
قوم کو تبھی اس بات کا نوٹس لے لینا چاھئیے تھا۔ اب ان سے آپ کونسی توقعات رکھتے ہیں۔؟
مشرف کے آباء کا مال تھا جو اس نے شاہی جوڑے کو بخش دیا۔؟
شاہی جوڑے کا ذاتی مال تھا جو بغیر ڈکارے پی گئیے۔؟
گیدڑوں کو خربوزوں کی چوکیداری پہ بٹھا کر یہ امید باندھنی کہ گیدڑ خربوزوں کی حفاظت کریں گے۔ ایسی حرکت بچگانہ خواہش سمجھی جائے گی۔
Jun 28 2009 بوقت 8:20 AM
ہم بھرپور احتجاج کرتے ہیں۔
واجد علی بابر
Jun 28 2009 بوقت 8:40 AM
واجد علی بابر صاحب
حوصلہ افزائی کا شکریہ
Jun 28 2009 بوقت 12:26 PM
اے قائد اعظم تیرا احسان ہے احسان۔۔۔
آدھا احسان اتار دیا ہے
باقی اتارنے کی تیاری ہے۔۔۔
Jun 28 2009 بوقت 7:03 PM
قائد عوام کی تصویر تو ہے صاحب قائد اعظم کی نہیں تو کیا ہوا :x