ماں کے نام

ميری والدہ مُحترمہ 25 جون 1980 بروز بدھ عصر کی نماز کے بعد تسبيح کر رہی تھيں کہ برين ہَيموريج [Brain Hemorrhage] ہوگيا اور وہ بے سُدھ ہو گئيں [went in to coma] ليکن اِس حالت ميں بھی جيسے تسبيح کرتے ہيں وہ اُنگليوں پر کچھ پڑھ کر اپنے اُوپر پھونکتی رہيں حتٰی کہ 29 جون کو ہولی فيملی ہسپتال راولپنڈی ميں اِس دارِ فانی سے رِحلَت کر گئيں ۔ اللہ سُبحانُہُ و تعالٰی اُنہيں جنّت الفردوس ميں جگہ عطا فرمائے ۔ آمين ۔

يہ نظم ميں نے والدہ مُحترمہ کی وفات کے پانچ چھ ہفتے بعد لکھی تھی ۔ ميں نے جو نظم والدہ محترمہ کی وفات سے کچھ دن بعد لکھی تھی وہ نظرِ قارئين کر چکا ہوں اور يہاں کلِک کر کے پڑھی جا سکتی ہے ۔

کتنے نازوں ميں تو نے کی ميری پرورش
تجھے ہر گھڑی رہتا تھا بہت خيال ميرا
تيری دعاؤں ميں رہا سدا ميں شامل
تيری موت نے مگر کيا نہ انتظار ميرا
يہ زندگی کس طرح گذرے گی اب
نہ دل ہے ساتھ ميرے نہ دماغ ميرا
ميں جو کچھ بھی ہوں فقط تيری محنت ہے
نہ یہ ميری کوئی خوبی ہے اور نہ کمال ميرا
ميری اچھی امّی پھر کريں ميرے لئے دعا
کسی طرح آ جائے واپس دل و دماغ ميرا
تيرے سِکھلائے ہوئے حوصلہ کو واپس لاؤں
پھر کبھی چہرہ نہ ہو اس طرح اشک بار ميرا
تيرے سمجھائے ہوئے فرائض نبھاؤں ميں
کٹھن راہوں پہ بھی متزلزل نہ ہو گام ميرا
روز و شب ميں پڑھ پڑھ کر کرتا رہوں دعا
جنّت الفردوس ميں اعلٰی ہو مقام تيرا

This entry was posted in آپ بيتی on by .

About افتخار اجمل بھوپال

رہائش ۔ اسلام آباد ۔ پاکستان ۔ ۔ ۔ ریاست جموں کشمیر کے شہر جموں میں پیدا ہوا ۔ پاکستان بننے کے بعد ہجرت پر مجبور کئے گئے تو پاکستان آئے ۔انجنئرنگ کالج لاہور سے بی ایس سی انجنئرنگ پاس کی اور روزی کمانے میں لگ گیا۔ ملازمت کے دوران اللہ نے قومی اہمیت کے کئی منصوبے میرے ہاتھوں تکمیل کو پہنچائے اور کئی ملکوں کی سیر کرائی جہاں کے باشندوں کی عادات کے مطالعہ کا موقع ملا۔ روابط میں "میں جموں کشمیر میں" پر کلِک کر کے پڑھئے میرے اور ریاست جموں کشمیر کے متعلق حقائق جو پہلے آپ کے علم میں شائد ہی آئے ہوں گے ۔ ۔ ۔ دلچسپیاں ۔ مطالعہ ۔ مضمون نویسی ۔ خدمتِ انسانیت ۔ ویب گردی ۔ ۔ ۔ پسندیدہ کُتب ۔ بانگ درا ۔ ضرب کلِیم ۔ بال جبریل ۔ گلستان سعدی ۔ تاریخی کُتب ۔ دینی کتب ۔ سائنسی ریسرچ کی تحریریں ۔ مُہمْات کا حال

7 thoughts on “ماں کے نام

  1. پاکستانی

    ‘ماں‘ جس لفظ میں اتنا پیار ہے وہ ہستی تو اس لفظ سے کروڑوں گنا زیادہ پیاری ہے۔
    ماں نام ہی سکون، پیار، محبت، سکھ، اپنائیت کا ہے۔

    اللہ تعالٰی سے دعا ہے کہ ماں کے درجات بلند کرے اور انہیں جنت الفردوس میں اعلٰی سے اعلٰی مقام عطا کرے ۔۔۔ آمین

  2. اجمل

    پاکستانی صاحب
    منیر احمد طاہر صاحب ۔ جزاہ الہہ خیر ۔ جو مائیں زندہ ہیں اللہ انہیں صحتمند اور تندرست رکھے اور جو اس دارِ فانی سے کوچ کر چکی ہیں انہیں جنت الفردوس میں جگہ دے ۔ آمین یا رب العالمین

  3. cla$$ic jOUrnEy

    May Allah bless you mother with eternal peace in jannah.

    Irreplaceable loss … but I firmly believe that Allah will reunite us soon or later … just a bit of wait is needed.

    Ameen to the prayers!

  4. Wahaj/bsc

    May Allah SWT grant special place in Jannah for your mother.
    Mothers are special for all people, but as there are comments you will meet your mother (and we all will as long as our deeds are as good.)
    S.13, Aya23 and S.52, Aya21 will show what I mean.
    Yes I remember my mother when I was leaving Pakistan as I suspected I will not see her again and sure she left this world two years later but as I had previously mentioned (Just like yours) I still hear her sweet voice telling me to wake up for Fajr if I am getting late.

  5. اجمل

    اسماء صاحبہ
    شکریہ ۔ نیک والدین اور انکی نیک اولاد انشاء اللہ جنت میں اکٹھے ہوں گے ۔

Leave a Reply

Your email address will not be published. Required fields are marked *

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)

This site uses Akismet to reduce spam. Learn how your comment data is processed.